Hybrid undervisning kan ha forskjellige definisjonar ut frå kven ein er og kvar ein er. Men som eit utgangspunkt kan vi seia at det i si enklaste form er undervisning med deltakarar som er både fysisk og digitalt til stades, og der alle kan ha ein løpande dialog med lærar. For lokala våre vil det fungera best når læraren er til stades fysisk.
Planlegging
Det er viktig at du har tenkt godt igjennom korleis du vil gjennomføra undervisninga, slik at du er så godt førebudd som mogleg. Det kan vera lurt å gjera det så enkelt som mogleg den første gangen. Snakk med kollegaer som har erfaring med hybrid undervisning frå før.
- Korleis skal du ha dialog med studentane?
- Skal du ha heile forelesningen "live", eller skal delar/tema vera forhåndsinnspelt?
- Lik oppleving for studentar, både fysiske og digitale
Ta kontakt med eilin-kontakt@sv.uio.no så hjelper vi deg i gang.
Teknisk
Alle auditorium og undervisningsrom ved fakultetet (SV) er sett opp slik at du kan bruka Zoom på den faste PC-en i rommet. Video og lyd er det same som for opptak, dvs eit kamera som har eit fast utsnitt av lærar/kateter og lyd frå webcam montert.
Sjå eiga rettleiing for kvart rom, og test på førehand. Ønsker du bistand kan du ta kontakt med it-support@uio.no
Programvare
Vi bruker Zoom for å få med studentar digitalt. Hugs at det ikkje er noko i vegen for å oppfordra studentar som sit fysisk i rommet til å bruka Zoom (dei må då berre hugsa å MUTA mikrofon og høgtalarar), då vil studentane som er med digitalt sjå dei som er fysisk tilstades og få ei kjensle av samhald.
Eilert Sundts hus A
- Auditorium 1; Ragnar Frisch' auditorium har 4 kamera. inkludert dokumentkamera og styrbart kamera ved lerret retta ut i rommet, lydanlegg, Bordmikrofon, Bøyle/myggmikrofonar, handhelt mikrofon
- Auditorium 2 har 3 kamera, inkludert dokumentkamera og styrbart kamera ved lerret retta ut i rommet, lydanlegg, Bordmikrofon, Bøyle/myggmikrofonar.
- Auditorium 7; Trygve Haavelmos auditorium har 3 kamera, inkludert dokumentkamera koppelet inn i PC, lydanlegg, Bordmikrofon, Bøyle/myggmikrofonar, handhelt mikrofon
Harald Schjelderups hus
- Auditorium 4 har 4 kamera, ink. inkludert dokumentkamera kopla til PC og kamera under projektorbildet retta ut i rommet.
- Forsamlingssalen har 4 kamera, lydanlegg, Bordmikrofon, Bøyle/myggmikrofonar, handhelt mikrofon