Protokoll fra Instituttstyremøtet 6. februar 2002

Godkjenning av protokoll frå instituttstyremøtet 12.12.01 og
innkalling til instituttstyremøtet 6. februar 2002. Eventuell
inhabilitet i høve til saker som skal handsamast i møtet

Geir Høgsnes, Arnlaug Leira og Dag Album var ikkje tilstades under
sak 3/02

Samlokalisering av instituttet etter at PSI flyttar ut
Instituttstyret tok orienteringa til etterretning. Styrar får
fullmakt til å utnemne ein brukarkomite samansett av 2 vitskaplege,
to stipendiatar, to studentar og ein teknisk-/administrativ tilsett.
Kontorsjefen er sekretær for brukarkomiteen og samankallar til møte.
Samlokalisering av ISS etter at PSI flyttar ut og forslag til
romprogram vert lagt fram for instituttstyret i møtet 6. mars 2002.

Instituttstyret vedtok 10. oktober 2001 å iverksetje vedtekne
revisjonar av grunn- og melomfag sosiologi hausten 2002. Det gjekk
fram av vedtaket (pkt. 4) at "Siden det for tiden pågår omfattende
endringer i det høyere utdanningssystemet, tas det forbehold om at
vedtakene eventuelt må justeres etter pålegg fra overordnet nivå."
Undervisningsansvarleg orienterte styret om at vedtekne revisjonar,
som følgje av arbeidet med studiereformen, nye studieprogram og
modular, samt endra retningsliner for modulstorleik, ikkje vil bli
iverksett frå og med hausten 2002 slik styret føresette.

Instituttstyret tok orienteringa til etterretning

Vedtak:
Instituttstyret sluttar seg til fagstyret og sakkunnig komite si
innstilling og innstiller Anders Vassenden til stillinga som
stipendiat i sosiologi ved Institutt for sosiologi og
samfunnsgeografi, Universitetet i Oslo. Dersom Vassenden takkar nei
til stillinga, går tilbodet vidare til innstilte nr. 2 osb.

Saka vert oversendt til fakultetet.

(Ettersom instituttet etablerer ein ny praksis ved berre å gje nærare
omtale av eit mindre utval av søkjarane, ber instituttstyret om at
utvida søkjarliste heretter følgjer tilsetjingssaker til fagstyre og
instituttstyre).

Vedtak:
Instituttstyret godkjenner forslaget til årsplan for 2002.

Vedtak:
Instituttstyret godkjenner rekneskapen for 2001.

Vedtak:
Budsjettert resultat for 2002 for Institutt for sosiologi og
samfunnsgeograf er kr. 1.963.000,-
Samfunnsgeografi vil ta stilling til bruken av udisponerte midlar i
møtet 27. februar.

Studentmagasinet Socius får kr 21.700,- i stønad til å dekkje
utgifter i samband med trykkjing av 3 nummer i løpet av 2002.

Instituttstyret sluttar seg til forslaget til budsjett for 2002, og
gjev kontorsjefen fullmakt til å disponere tilgjengelege midlar
innanfor rammene av vedteken disponering.

Vedtak:
Instituttstyret sluttar seg til forslaget frå faga sosiologi og
samfunnsgeografi, og fremjar 3 tverrfaglege BA-grader:

Frå Samfunnsgeografi:
Nord/Sør - Utvikling

Frå Sosiologi:
Kultur og kommunikasjon
Teoretisk samfunnsvitenskap/Sosialfilosofi

Saka vert oversendt fakultetet.

Vedtak:
Instituttstyret sluttar seg til forslaget til møteplan for våren 2002:

onsdag 6. februar
onsdag 6. mars
onsdag 8. mai
onsdag 5. juni

Alle møta finn stad i pauserom 725, klokka 14.15

Det var ingen saker under eventuelt.